Урачыстае пасяджэнне Савета факультэта геаграфіі і геаінфарматыкі БДУ прысвечанае 90-годдзю з дня заснавання

10 красавіка на факультэце геаграфіі і геаінфарматыкі Беларускага дзяржаўнага ўніверсітэта прайшло пасяджэнне Савета, прысвечанае значнай даце - 90-годдзю з дня заснавання факультэта. Падчас мерапрыемства выказваліся словы падзякі і гучалі важныя прамовы, якія абазначаюць гістарычную значнасць і дасягненні навучальнай установы.

У рамках пасяджэння з урачыстым словам выступіў дырэктар Дзяржаўнага прадпрыемства "БелПСХАГІ" Алег Мікалаевіч Баліцкі. Ён павіншаваў калектыў факультэта з юбілеем і выказаў словы падзякі за гады сумеснай работы і развіцця і за яго важную ролю ў падрыхтоўцы кваліфікаваных спецыялістаў у галіне геаграфіі і геаінфарматыкі. Алег Мікалаевіч уручыў прадстаўнікам факультэта ганаровую грамату ад Дзяржаўнага прадпрыемства "БелПСХАГІ", што стала яркім пацвярджэннем плённага супрацоўніцтва паміж прадпрыемствам і навучальнай установай.