Старшыня Дзяржкаммаёмасці Дзмітрый Матусевіч прыняў удзел у рэспубліканскай дабрачыннай акцыі "Нашы дзеці"

Старшыня Дзяржаўнага камітэта па маёмасці Дзмітрый Матусевіч прыняў удзел у дабрачыннай акцыі "Нашы дзеці", дзе выказаў віншаванні навучэнцам спецыяльнай агульнаадукацыйнай школы №14 для дзяцей з парушэннем слыху.

"Мы заўсёды гатовы дапамагчы нашым дзецям. Гэта з'яўляецца прыярытэтам для ўсіх дзяржаўных органаў і для ўсёй краіны ў цэлым. Сённяшні візіт нагадвае нам пра тое, што мы заўсёды памятаем пра нашых асаблівых дзяцей. На працягу больш як 15 гадоў Дзяржкаммаёмасць аказвае дапамогу школе ў матэрыяльна- тэхнічным забеспячэнні, падаючы картаграфічныя і іншыя неабходныя навучальныя матэрыялы", - адзначыў Дзмітрый Матусевіч. "Мы заўсёды стараемся прыдумляць нешта новенькае для гэтай акцыі. Сёння мы з любоўю спакавалі вялікую каробку настольных гульняў для нашых дзяцей. Гэтым падарункам мы хочам нагадаць ім, наколькі важна апроч заняткаў вучыцца адпачываць. Дзеці заўсёды чакаюць цудаў. І дарослым часам трэба зладзіць для іх чараўніцтва і падарыць радасць свята", - дадаў кіраўнік ведамства.

Дырэктар школы Наталля Краўчук расказала, што акцыя "Нашы дзеці" ў першую чаргу дапамагае развіваць навыкі зносін і дружбы сярод хлопчыкаў і дзяўчынак. "Нашы асаблівыя дзеці ўспрымаюць свет інакш. Яны не могуць чуць вушамі, затое ўмеюць чуць сэрцам. Сустрэчы такога кшталту даюць дзецям магчымасць знайсці новых сяброў. Кожны навагодні спектакль юнакі рыхтуюць цэлы год. Гэта для іх вельмі важная і доўгачаканая падзея", - падкрэсліла дырэктар. .

У рамках сённяшняй акцыі навучэнцы падрыхтавалі для гасцей падарунак у адказ – святочны канцэрт і спектакль.

У спецыяльнай агульнаадукацыйнай школе №14 для дзяцей з парушэннем слыху функцыянуе больш за 20 класаў. З 2013 года школа праводзіць адукацыйны працэс у дзяржустанове "Рэспубліканскі рэабілітацыйны цэнтр для дзяцей-інвалідаў" і з'яўляецца рэсурсным цэнтрам комплекснай дапамогі дзецям з парушэннем слыху.