Экскурсія Валожынскія гасцінцы
10 верасня 2022 года калектыў БелПСХАГІ адправіўся на турыстычную экскурсію па маршруце Крэва - Гальшаны - сыраварня "ГрандМілк" - сядзіба "ELAGMA". Супрацоўнікі ўбачылі шмат новага і пазнавальнага, наведалі цікавыя мясціны, уключаючы Крэўскі замак, а таксама адзін з трыангуляцыйных пунктаў Дугі Струвэ, уключаны ў спіс сусветнай спадчыны ЮНЕСКА і музей Дугі Струвэ ў Гальшанах. Пасля пабывалі ў адзінай крафтавай сыраварні ў Беларусі, дзе прымяняюцца традыцыйныя метады сыраварства. Тут прайшоў майстар-клас па вырабе мяккага сыру мацарэла, а таксама дэгустацыя 10 відаў сыроў. Канчатковай кропкай маршруту стала сядзіба "ELAGMA" вядомая сваімі ўтульнымі трохкутнымі хаткамі і хюге ў інтэр'еры, дзе гаспадары самі вараць вегетарыянскі крафтавы эль і дзеляцца сакрэтамі яго падрыхтоўкі на майстар-класе па піваварстве.