Беларусь-энергаэфектыўная краіна
20.12.2021
Эканомнае энергаспажыванне рэсурсаў - гэта прыкмета сучаснага чалавека, які ўсведамляе сваю адказнасць перад планетай. Зніжэнне энергаспажывання ў хаце і на працоўным месцы павінна стаць штодзённым абавязкам, часткай ладу жыцця.
11 лістапада 2021 года прайшоў Міжнародны дзень энергазберажэння, а таксама з 8 па 12 лістапада была праведзена інфармацыйна-адукацыйная акцыя "Беларусь - энергаэфектыўная краіна", якая нагадала аб магчымых спосабах і метадах павышэння эфектыўнасці выкарыстання энергарэсурсаў у паўсядзённым жыцці. На сайце http://energoeffekt.gov.by/ у раздзеле "Папулярна аб энергазберажэнні/Карысныя парады" можна азнаёміцца з інфармацыйнымі матэрыяламі па гэтай тэме.
Дзяржаўнае прадпрыемства "БелПСХАГІ" праводзіць планамерную работу па ўкараненню энергазберагальных тэхналогій у паўсядзённае жыццё. У прыватнасці, гэта выкарыстанне святлодыёдных крыніц асвятлення, усталёўка датчыкаў руху, што дапамагае рацыянальна спажываць электраэнергію. У тым ліку, вядзецца тлумачальная праца з супрацоўнікамі прадпрыемства, па выкарыстанні светлавых прыбораў у дзённы час, як на працоўных месцах, так і ў хатніх умовах.